"Sarkisyan faktiki olaraq erməni cəmiyyətini uçurumun kənarına gətirib çıxarıb"

Ermənistanda vəziyyət getdikcə gərginləşir.

Bir neçə gündür ki, Ermənistanda silahlı qiyamçılar polis idarəsini tutub, bir neçə nəfəri də əsir saxlayır. Bunun ardınca isə Ermənistan müxalifəti Azadlıq meydanında mitinq təşkil edib. Polis mitinqi dağıdıb. Mitinq iştirakçıları ilə polis arasında qarşıdurma yaranıb.

Son zamanlar erməni cəmiyyətində belə bir fikir səslənir ki, Dağlıq Qarabağa müstəqillik yox, Ermənistanın tərkibinə qatılmaq lazımdır.

Ermənistanda baş verənlərlə bağlı hərbi ekspert Üzeyir Cəfərov Ölkə.Az-a danışıb:

"Ermənistanda baş verən hadisələrdə Dağlıq Qarabağ məsələsinin payı çox böyük deyil. Baş verən hadisələrin əsas səbəbi erməni hərbi haimiyyətinin apardığı siyasətə narazılıqdır. Ermənilər Sarkisyanı devirmək istəyir.

Sarkisyan faktiki olaraq erməni cəmiyyətini uçurumun kənarına gətirib çıxarıb. Dağlıq Qarabağ məsələsində ermənilər hər hansısa bir söz sahibi deyillər. Əgər onlar söz sahibi olsaydılar, yəqin ki, bu illər ərzində ən azından Dağlıq Qarabağla bağlı hər hansısa bir addımlar atardılar. İşğalçılıq siyasəti ermənilərə çox baha başa gəlir.

Beynəlxalq təşkilatlar ermənilərin özbaşınalğına göz yumur. Bu da müvəqqətidir. 20 ildən artıqdır ki, ermənilər işğalçılıq siyasətini davam etdirirlər. Ona görə də, ATƏT-in Minsk qrupunun həmsədrlərinin də Ermənistana hər hansısa təsir imkanı yoxdur.

Beynəlxalq hüququn işləməməsi, Ermənistanın idarə olunan bir dövlət olması mövcud vəziyyəti yaradıb. Dağlıq Qarabağ məsələsini Rusiya həll etmək istəyir deyə, Ermənistanda narazılıqlar var. Qarabağ müharibəsinin iştirakçılarından biri Jerar Setelyan həbs edilib. Onun tərəfdarları qisas almaq istəyirlər. Ancaq bu müvəqqəti bir haldır. Sarkisyan onları da həbs edəcək. Faktiki olaraq Ermənistanda ötür-ötür oyunu gedir. Çalışırlar ki, Dağlıq Qarabağ məsələsi həll olunmasın".

Qeyd edək ki, aprel döyüşlərindən sonra Ermənistanda mütəmadi olaraq hakimiyyət əleyhinə aksiyalar keçirilir.

Səxavət Məmməd
Ölkə.Az