\"Qətərdə Türkiyənin ilk hərbi bazası açılır\"

Türkiyədə baş verən son prosesləri bəzi ekspertlər Rusiya Türkiyə münasibətlərinin düzəlməsi ilə əlaqələndirirlər.

Türkiyə Rusiya münasibətləri qaydaya düşdükdən sonra əvvəlcə İstanbul Atatürk hava limanında terror aktı baş verdi. Ardından bir neçə gün sonra isə hərbi çevrilişə cəhd baş verdi. Bu səbəbdən bəzi ekspertlər bildirir ki, Türkiyədə baş verən proseslərdə Qərb kəşfiyyatının əli var.

Baş verən hadisələrlə bağlı politoloq Adıgözəl Məmmədov Ölkə.Az-a danışıb:

"Türkiyəyə qarşı bizim mövqeyimiz dövlətimizin mövqey ilə uyğun olmalıdır. Türkiyə bizə qardaş, dost olsa da belə, müstəqil bir dövlətdir. Türkiyənin daxili işlərinə qarışa bilmərik.

Türkiyədə baş verən proseslər onların daxili işidir. Baş verən proseslərin tezliklə bitməsini istəyirik. Türkiyədə stabilliyin olmasını arzu edirik.

Türkiyə NATO-nun üzvüdür. Türkiyə NATO-nun üzvü olduğuna görə ittifaqla birlikdə həm regional, həm də strateji siyasətləri var. Bu siyasət razılaşdırılmış şəkildə həyata keçirilir. Türkiyə nəinki öz regionunda, həm də bütün Avropa coğrafiyasında müəyyən layihələrlə çıxış edir. Təsadüfi deyil ki, Orta Şərqdə, Qətərdə Türkiyənin ilk hərbi bazası açılır. Türkiyə hərbi bazanı NATO siyasəti çərçivəsində açır. Bu ümumi konsensus şəkildə həyata keçirilən bir layihədir.

Son hadisələrin Rusiya-Türkiyə münasibətləri konteksində baş verdiyini dəqiq demək olaz. Türkiyənin Rusiya təyyarəsini vurmazdan əvvəl iki dövlət arasında münasibətlər yüksələn xətt üzrə inkişaf edirdi. Rusiyanın Türkiyədə böyük iqtisadi layihələri var. Türkiyənin NATO üzvü olması heç də Türkiyə-Rusiya münasibətlərinin iqtisadi cəhətdən təmərküzləşməsinə mane olmurdu".

Səxavət Məmməd
Ölkə.Az