Türkiyə, Azərbaycan, Gürcüstan prezidentlərinin növbəti görüşü keçiriləcək
Ankarada Türkiyə-Gürcüstan Yüksək Səviyyəli Strateji Əməkdaşlıq Şurasının 1-ci toplantısı keçirilib.
Ölkə.Az xəbər verir ki, Türkiyənin baş naziri Binəli Yıldırım Ankarada Gürcüstanın baş naziri Georgi Kvirikaşvili ilə keçirdiyi birgə mətbuat konfransında Türkiyə-Azərbaycan-Gürcüstan üçtərəfli mexanizminin regional sülh və əməkdaşlığa töhfə verdiyini bildirib. O, Türkiyə, Azərbaycan, Gürcüstan prezidentlərinin növbəti görüşünün tezliklə keçirilməsinin zəruri olduğunu və bu istiqamətdə hazırlıq aparıldığını söyləyib.
Baş nazir Dağlıq Qarabağ probleminin Azərbaycanın ərazi bütövlüyü çərçivəsində həllinə önəm verdiyini qeyd edib. B. Yıldırım hərbi çevriliş cəhdindən sonra Türkiyənin digər ölkələrlə ikitərəfli əlaqələrində heç bir sarsıntı yaşanmadığını söyləyib. O, Abxaziya və Cənubi Osetiya problemlərinin Gürcüstanın ərazi bütövlüyü çərçivəsində, sülh yolu ilə həllini istədiklərini vurğulayıb.
İlhamə
