Manaf Ağayev: "Şadlıq evləri rayonların işğal gününə toy salmasınlar"

Müğənni Nazəninin prodüseri Pərviz Fəqanın Ağdamın işğal günü özünə toy çaldırdığı barədə xəbər yayılıb.

Xəbərdə qeyd olunur ki, məclisdə Nazənin başda olmaqla, toyda aparıcı Lamiyə Ələkbərova, Könül Kərimova, Xatun Əliyeva, Nadir Qafarzadə, Aşıq Telli Boçalı, Manaf Ağayev də iştirak edib.

Ölkə.Az-ın əməkdaşı həmin məclisdə iştirak edən sənətçilərdən olan Manaf Ağayevlə əlaqə saxlayıb. O, məclisdə iştirak etdiyini bildirsə də, siyahıya pul yazdırıb getdiyini söyləyib:

"Məclis başlamazdan əvvəl gedib pulumu yazdırıb çıxmışam. Məndən sonra kimlərin gəlib-getdiyindən xəbərsizəm. Amma təklif edərdim ki, şadlıq evləri rayonlarımızın işğal günlərində toy keçirməsinlər. Bu, daha məqsədəuyğun olardı. Çünki insanıq, ola bilər ki, həmin tarix kiminsə yadından çıxsın".

Qeyd edək ki, xəbəri big.az saytı yayıb.

İntiqam VALEHOĞLU
Ölkə.Az