Dünyanın gözü Brüsseldə

Avropa ölkələrinin səhiyyə nazirləri bu gün Brüsseldə yüksək səviyyəli danışıqlar keçirir.

Müzakirələr zamanı Ebola virusu ilə mübarizə səyləri müzakirə edilir. Nazirlər Avropa sərhədləri və hava limanlarında xüsusi yoxlanış proqramlarının həyata keçirilməsini təklif edir. Toplantı Amerikanın hava limanlarının yoxlanışlara başlanmasından sonra təşkil edilib.

Amerikada ilk əvvəl Ebola virusu ilə mübarizə səylərinə Nyu-Yorkun Kennedi beynəlxalq hava limanı qoşulub. Hava limanında Qvineya, Liberiya və Syerra Leone kimi Qərbi Afrika ölkələrindən səfər edənlər xüsusi yoxlanışdan keçirilir. Sərnişinlərin qızdırması ölçülür və onlar virusun simptomlara dair sualları cavablandırır. Eyni zamanda ABŞ Konqresində səhiyyə ekspertlərinin iştirakı ilə Eboladan qorunma və xəstəliyə nəzarət ölçülərinə dair dinləmələr təşkil edilib.

Bu arada Ümumdünya Səhiyyə Təşkilatı Mali və Fil Dişi Sahilinə Ebolaya hazırlıq ölçülərinin yoxlanması məqsədi ilə xüsusi komanda göndərir.

Belə ki, bu ölkələr xəstəliyin geniş yayıldığı Qvineya, Liberiya və Syerra leone ilə ortaq sərhədləri bölüşür. (anspress)

Ölkə.Az