ABŞ sakini 8000 metr yüksəklikdən paraşütsüz tullanacaq
Amerikalı peşəkar skaydayver Lük Eykins praşüt və digər qoruyucu vasitələr olmadan 8000 metr yüksəklikdən tullanmağı planlaşdırır.
Ölkə.Az Rusiya KİV-lərinə istinadən xəbər verir ki, artıq 18 min dəfə tullanış həyata keçirmiş paraşütçü bunu insanların istəyincə hər şeyə qadir ola biləcəklərini sübut eləmək üçün həyata keçirəcək. Həyatını təhlükəyə atmamaq üçün paraşütçü yerdən 20 metr yüksəklikdə asılmış futbol sahəsinin yarısı böyüklükdə torun üzərinə düşməyə çalışacaq.
Eykins bu şənbə günü saat 20:00-da paraşütsüz tullanışını həyata keçirəcək və bu hadisə ABŞ-ın Fox telekanalı ilə birbaşa yayımlanacaq.
İlhamə
