Müqəddəs torpaqda toqquşmalar

Yaxın Şərqdə Qüdsün İçəri Şəhər hissəsində fələstinli etirazçılarla İsrail təhlükəsizlik qüvvələri arasında toqquşmalar baş verib.

İsrail hüquq mühafizə orqanlarının tətbiq etdiyi məhdudiyyətlərə etiraz edən fəallar, İsrail polisini daş atəşinə tutub. Qarşı tərəf gözyaşardıcı qaz və səsli qumbaralardan istifadə edib. Toqquşmalarda 3 polis zabiti yaralanıb, 4 etirazçı həbs olunub. Etirazlara səbəb İsrail polisinin Məbəd dağı adlı müqəddəs əraziyə giriş üçün yaş məhdudiyyəti tətbiq etməsi olub. Təhlükəsizlik bəhanəsi ilə, israil polisi həmin əraziyə 50 yaşdan aşağı kişiləri və ümumiyyətli heç bir fələstinli qadını buraxmır.

Bu arada Qüdsün baş ərazisində, Şir darvazaları adlı ərazidə yüzlərlə müsəlman bir araya gələrək, həm yəhudi həm də müsəlmanların müqəddəs saydığı əraziyə məhdudiyyətlərin tətbiq olunmasına etiraz edib. Oxşar aksiya Ramallah şəhərində də keçirilib. Fələstin baş naziri Rami Həmdallah müsəlman zəvvarların Məbəd dağını ziyarət edə bilməsi üçün beynəlxalq ictimaiyyətdən bu məsələdə dəstək istəyib.

"Məbəd dağında Həzrəti Məhəmmədin merac etdiyi bildirilən Əl Əqsa məscidi yerləşir. Əl Əqsa təkcə fələstin torpağında deyil, ümumiyyətlə müsəlman torpağında yerləşir. Buradan Beynəlxalq təşkilatlara, Avropa Birliyinə, Birləşmiş Ştatlara, Müsəlman Ərəb dövlətlərinə müraciət edirəm, onları bu baş verən qanunsuzluğa son qoymağa çağırıram” deyə Fələstinli baş nazir bildirib.

İsrail Qüds şəhərinin şərqini 1967-ci ilin Yaxın Şərq müharibəsi zamanı işğal edib. İsrail sonradan Şərqi Qüdsü ilhaq etsə də, beynəlxalq təşkilatlar, o cümlədən BMT onu İsrail ərazisi kimi tanımır. (anspress)

Ölkə.Az