Honq Konqda toqquşmalar davam edir: 45 nəfər həbs olunub

Honq Konqda toqquşmalar səngimir.

Ölkə.az Frans Press agentliyinə istinadən xəbər verir ki, Honq Konq şəhərinin mərkəzində polis və etirazçılar arasında yeni toqquşmalar baş verib. Nəticədə 45 nəfər həbs olunub.

Bildirilir ki, etirazçılar hökümət binasının yaxınlığında yaradılmış barrikadaların sökülməsi üçün cəhd edəndən sonra iğtişaşlar başlayıb. Bundan sonra mühafizə orqanları gözyaşardıcı qazdan istifadə etmək məcburiyyətində qalıblar.

Xəsarət alanlarda hələki xəbər yoxdur. Etirazçıların əksəriyyəti toqquşmadan sonra yaxınlıqdakı parka çəkiliblər.

Qeyd edək ki, Honq Konqda numayişlər sentyabr ayının 26-da başlayıb. 80 min adam yerli hakimiyyət orqanlarının xalq tərəfindən seçilməsi tələbi ilə şəhərin küçələrinə  çıxdı. Etirazçıların əksəryətini tələbələr təşkil edirdi.

Hadisədən sonra Pekində güzəştə getməyə razılığa gələrək söz verdilər ki, Honq Konq 2017-ci ildə bu imkan yaradılacaq. Lakin hökümət bir şərt irəli sürmüşdü. Bu şərtə görə, Honq Konq əhalisinin səs vere biləcəyi namizədlər çin seçicilər tərəfindən əvvəlcədən təsdiq olunacaq.

Honq Konq xalqı bu şərtlər ilə razılaşmadı və tam demokratik prinsiplərin qurulmasını tələb etdi. Bundan əlavə, etirazçılar Honq Konq hökümət başçısı Lyan Çjenyinin istefasını tələb ediblər.

Rəşid Mustafazadə

Ölkə.Az