"İtaliya getsin öz mafiyası ilə məşğul olsun"

Ölkə.Az Türkiyə mediasına istinadən xəbər verir ki, Türkiyə prezidenti Rəcəb Tayyib Ərdoğanın oğlu Bilal Ərdoğana qarşı "çirkli pulların yuyulması" ilə bağlı aparılan araşdırmalarla bağlı prezident sərt fikir səsləndirib:

"İtaliya mənim oğlumla deyil, öz mafiyası ilə məşğul olsun".

Türkiyə liderinin bu bəyanatına İtaliya tərəfinin cavabı da özünü çox gözlətməyib. İtaliyanın baş naziri Matteo Renzi bildirib ki, "İtaliya öz qanunları ilə hərəkət edir, Türkiyə prezidentinin göstərişləri ilə yox. İtaliyada qanunun aliliyi prinsipi var, başqalarının tövsiyəsinə ehtiyac duymuruq".

Qeyd edək ki, Türkiyədə qaçaq statusu almış iş adamı Hakan Uzun fevral ayında İtaliyanın Boloniya şəhərində Türkiyə prezidentinin oğlu Bilal Ərdoğanın çirkli pulların yuyulması ilə məşğul olduğunu iddia edərək haqqında cinayət işinin açılmasına nail olmuşdu.

İlhamə
Ölkə.Az