73 yaşlı xalq artisti: \"Nazirliyin təbriki mənə maraqlı deyil\"

Bu gün Akademik Milli Dram Teatrının tanınmış aktyoru, xalq artisti Ramiz Məlikin 73 yaşı tamam olur. Sənətkar doğum günündə təəssüratlarını Ölkə.Az-la bölüşüb:

"Doğum günümü evdə ailə üzvlərimlə qeyd edəcəyəm. Sağ olsunlar, həmkarlarım, dostlarım, "Facebook"dakı dostlarım məni təbrik ediblər. Hazırda İTV-dən canlı yayımdan qayıdıram. İlk təbriki isə gecə 12-də hazırda Amerikada yaşayan sinif yoldaşım Elmandan aldım".

"Mədəniyyət və Turizm Nazirliyindən sizi təbrik edən oldumu" sualına sənətkar belə cavab verib:

"O barədə danışmaq istəmirəm. Heç mənə maraqlı da deyil".

Xatırladaq ki, Ramiz Məlik 4 avqust 1943-cü ildə Bakıda anadan olub. 1963-cü ildə Mirzağa Əliyev adına Azərbaycan Dövlət Teatr İnstitutunun dram və kino aktyorluğu fakültəsinə daxil olub. Rza Təhmasibdən, Tofiq Kazımovdan, Məlik Dadaşovdan dərs alıb. 1967-ci ildə həmin ali təhsil ocağının məzunu olub və həmin il Akademik Milli Dram Teatrının truppasına aktyor götürülüb.

İntiqam VALEHOĞLU
Ölkə.Az