Gülən Hillari Klintonun seçki kampaniyasını maliyyələşdirir
ABŞ-ın ən nüfuzlu qəzetlərindən olan "Washington Post" FETÖ lideri Fətullah Gülən haqqında geniş material dərc edib.
Ölkə.Az xəbər verir ki, qəzetin materialında Gülənin ABŞ-a gəlişi və buradakı şirkətləri, o cümlədən amerikalı siyasətçilərlə əlaqələri haqda məlumatlar yer alıb.
Gülənin 1999-cı ildə ABŞ-a turist vizası ilə gəldiyi və daha sonra yaşıl kart aldığı bildirilir.
Materialda Gülənin rəhbərlik etdiyi "Hizmət hərəkatının" təməlinin məhz 1999-cu ildə ABŞ-da qoyulduğu vurğulanır.
ABŞ-da olduğu müddətdə Gülən dəfələrlə Ağ Evdəki müxtəlif tədbirlərə və ziyafətlərə dəvət olunub. Hər il keçirilən Türk-Amerikan Birliyinin toplantılarında Gülənin iştirak etdiyi və hətta bir dəfə Bill Klintonun prezident olduğu dövrdə bu toplantıya Skype vasitəsi ilə qatıldığı da qəzetin materialında vurğulanır.
Daha sonra məqalədə bir neçə il öncə FBİ (FTB) tərəfindən Gülənin ABŞ-dakı şirkətlərinin fəaliyyətinin araşdırıldığı da yazılır. Gülənin ABŞ-da yaşıl kart almasına isə MKİ-nin Yaxın Şərq və Türkiyədəki cəsusluq şəbəkəsinin şefi Qraham Fuller şəxsən kömək edib.
