Tanınmış şair olimpiyaçılarımıza şeir həsr edəcəkmi?

"Olimpiya oyunlarında idmançılarımıza uğurlar arzulayıram. İmkan daxilində azarkeşlik edəcəyəm. Elə bu səhər oyanıb iki futbol oyununa baxmışam, əhvalım yüksəlib. Amma şeir yazmaq fikrim yoxdur. İdman elə şeydir ki, gərək onu oynayasan, şeirlik deyil. Heç vaxt da idmançıya şeir yazmamışam. Şeir yazdıqlarımın əksəriyyəti ictimai-siyasi xadimlər olub".

Bu fikirləri Ölkə.Az-a açıqlamasında Mədəniyyət və Turizm Nazirliyinin keçmiş şöbə müdiri, tanınmış şair Vaqif Bəhmənli səsləndirib. Şair bildirib ki, idmana dərindən bələd olmasa da, Rio olimpiadasında idmançılarımızın çıxışlarını izləyəcək. Yaradıcılığı barədə də danışan şair, boş vaxtının olmadığını söyləyib:

"Yaradıcılığımda hər şey qaydasındadır, yazıram. Qırx ildir yaradıcılıqla məşğulam. Həmişə necə olubsa, indi də elədir. Özünə şair deyən adamın yaradıcılığı dağınıq olmamalıdır".

İntiqam VALEHOĞLU
Ölkə.Az