Şumaxerin oğlu atasını təkrarladı
Dünya şöhrətli almaniyalı Formula-1 pilotu Mihael Şumaherin oğlu atasının addımları ilə gedib
Ölkə.Az Dni.ru-ya istinad edərək xəbər verir ki, 15 yaşlı Mik Şumaxer atasının ilk addımlarını atdığı kartinq üzrə dünya vitse-çempionu adına layiq görülüb.
Gənc idmançı KF Junior sinfi üzrə uğura imza atıb. Mik final yarışında ikinci yerə layiq görülüb. Birinci yerin sahibi isə britaniyalı Enam Əhməd olub.
"Əlbəttə, mən öz nəticəmlə fəxr edirəm, lakin mənim məqsədim dünya çempionu olmaqdır. Amma bu mənim karyeramın başlanğıcıdır", - deyərək gənc Mik öz sevincini "La Gazzetta dello Sport"a bölüşüb.
Gənc idmançı məşhurluqdan qaçır və yarışlarda anasının soyadı Betçlə çıxış edir.
Xatırladaq ki, Mihael Şumaher Formula-1 üzrə yeddi qat dünya çempionudur. O, 1991-ci ildə Benetton komandasının heyətində Formula-1-ə gəlmiş, 1996-2006-cı illərdə Ferrari komandasında çıxış etmişdi.
2013-cü ildə isə xizəkdə qəzaya uğrayaraq komaya düşmüşdür.
Rəşid Mustafazadə
Ölkə.Az
