Avstriya və Türkiyə arasında diplomatik qalmaqal
Avstriya XİN başçısı türkiyəli həmkarına sözlərinə diqqət etməyi tövsiyə etdi
Ölkə.Az xəbər verir ki, Avstriyanın xarici işlər naziri Sebastyan Kurts Mövlut Çavuşoğlunu sözlərinə və işlərinə diqqət etməyə çağırıb.
Xatırladaq ki, Avstriyanın kansleri Kristian Kern Türkiyənin Avropa İttifaqına üzvlüyünə dair danışıqlara son verilməsini təklif etmişdi. Buna cavab olaraq Türkiyənin xarici işlər naziri Mövlut Çavuşoğlu Avstriyanı "radikal milliyyətçiliyin paytaxtı" adlandırmışdı. Kurt Çavuşoğlunun bu fikirlərinə cavab olaraq daha kəskin bəyanatla çıxış edib.
"Mən Türkiyənin XİN başçısının Avstriyanın ünvanına səsləndirdiyi tənqidi fikirləri qəbul etmirəm. Ankara öz sözlərini doğru seçsin və öz daxili işləri ilə məşğul olsun".
Türkiyə Avropa İttifaqına daxil olmaq üçün hələ 1987-ci ildə ərizə verməsinə baxmayaraq, bu günə qədər bu məsələ öz həllini tapmayıb.
İlhamə
Ölkə.Az
