Paris oğruları ərəb şahzadəsinin milyonluq saatını oğurladılar

Paris oğruları ərəb şahzadəsinin 1 milyon avroluq saatını oğurladılar

Ölkə.Az TASS agentliyinə istinadən xəbər verir ki, Parisin məkəzində Səudiyyə Ərəbistanı krallığının şahzadələrindən biri soyulub.

Adının açıqlanmasını istəməyən şahzadə polisə müraciət edərək oğruların hücumuna məruz qaldığını bildirib.

Soyğunçular şahzadənin milyon avro dəyərindəki qiymətli daşlarla bəzədilmiş saatını əlindən alıblar.

Hər zaman var dövlətləri ilə öyünməyi sevən ərəb milyarderləri hər zaman oğruların diqqət mərkəzində olub. Parisli soyğunçular isə onların demək olar ki, "ovuna" çıxırlar. Keçən il onlar başqa bir şahzadənin 250 min avro pulunu və bahalı avtomobilini əlindən alıb özünü də döymüşdülər.

İlhamə
Ölkə.Az