Zahoviç kartları açmadı, iddialı danışdı
“Qəbələ” – “İnter” oyununu izləyənlər arasında “Maribor”un nümayəndələri də var. Qarşıdakı həftədə Sloveniya klubunun rəqibi olacaq qəbələliləri izləmək üçün gələn 3 nəfərlik nümayəndə heyətinə ötənlərin məşhur futbolçusu, hazırda “Maribor”un idman direktoru işləyən Zlatko Zahoviç rəhbərlik edir. Onunla “Dalğa Arena”dakı matçın fasiləsində söhbətləşdik.
Ölkə.Az xəbər verir ki, qafqazinfo-ya danışan Zahoviç "Qәbәlә"ni güclü komanda adlandırdı.
- İlk hissə haqqında nə deyə bilərsiz?
- “Qəbələ” güclü komandadır. İlk hissədə əla təsir bağışladılar. Komandanın özünəməxsus taktikası var.
- Hansı futbolçular diqqətiniz cəlb etdi?
- Bütün futbolçuları yaxşı çıxış edir.
- “Qəbələ”nin püşkdə bəxti gətirib?
- Elə deməzdim. Biz də zəif komanda deyilik. Ona görə də sizinlə razılaşa bilmərəm.
- Bu komandanın “Lill”i keçməsi sizi qorxutmur?
- Yox, onlardan qorxmuruq. Sadəcə, hörmət edirik. Niyə qorxmalıyıq? Futbolda hər şey olur.
- Əgər “Lill” “Qəbələ”ni keçib sizinlə qarşılaşaydı, bu, daha təhlükəli olmazdı?
- Əlbəttə, çətin olacaqdı. Amma gəlin, “Qəbələ”nin ötənilki çıxışına nəzər salaq. Qrup mərhələsində nəhəng klublarla oynayıb.
- “Qəbələ”nin təsnifat mərhələsindəki hansı oyununu daha çox bəyəndiz?
- Bütün oyunlarını izləmişəm. Fikrimcə, hər hansı oyunda pis oynasaydılar, mərhələ keçməzdilər.
- İlk oyunun Bakıda olmasını sizin üçün üstünlük saya bilərik?
- Bizim üçün üstünlük yalnız Bakıda qələbə qazanmağımız olacaq. Müasir futbol sirli qutudu. Nə çıxacağını bilmək olmaz. “Maribor” zəif komanda deyil.
- “Maribor”un hansı xətti “Qəbələ”ylə müqayisədə daha güclüdü?
- Bunu sizə deyə bilmərəm.
- Novakoviç haqda daha çox danışırlar.
- Razıyam, çox təhlükəli futbolçudu.
- 2 futbolçunuzun avtoqəzada ölümünə görə sizə başsağlığı veririk. Bu, motivasiyanıza təsir edəcəkmi?
- Bu, bizim üçün çox böyük faciədi. Çətin günlər keçiririk. Əlbəttə ki, motivasiyamıa təsir edəcək. Amma pis mənada.
