Bakıda evdən 50 min manatlıq qızıl oğurlandı
Bakının Nəsimi rayonunda oğurluq hadisəsi baş verib.
Ölkə.Az musavat.com-a istinadən xəbər verir ki, hadisə rayonun Alı Mustafayev küçəsində qeydə alınıb. Oğrular 43 saylı evdə yaşayan 1977-ci il təvəllüdlü Mahirə Həsənovanın mənzilindən 50 min manat dəyərində qızıl-zinət əşyaları aparıblar.
Zərərçəkən hadisə ilə bağlı dərhal Daxili İşlər Nazirliyinin 102 qaynar xəttinə məlumat verib. Əraziyə Nəsimi Rayon Polis İdarəsinin əməkdaşları və ekspertlər cəlb edilib, mənzildən əl-barmaq izləri götürülüb. Ekspertlərin qənaətinə görə, çağırılmamış qonaqlar mənzilə açar seçmə yolu ilə daxil olublar.
Faktla bağlı Nəsimi Rayon Polis İdarəsində araşdırmalara başlanılıb. Hadisəni törədən şəxslərin tutulması istiqamətində zəruri əməliyyat tədbirləri davam etdirilir.
