ABŞ atom bombalarını Türkiyədən çıxarır?
ABŞ komandanlığı Türkiyədəki atom bombalarının və nüvə başlıqlarının bu ölkədən çıxarıla biləcəyini istisna etmir.
Ölkə.Az xəbər verir ki, Türkiyədəki NATO-nun İncirlik hərbi hava bazasında saxlanan atom bombaları SSRİ ilə "soyuq müharibə" illərində buraya yerləşdirilib.
Bu barədə "The Washington Post" qəzeti Pentaqondakı etibarlı mənbəyə istinadən xəbər verib.
Hazırda İncirlikdə 50 ədəd B61 tipli atom bombasının olduğu bildirilir.
Xatırladırıq ki, ABŞ və Türkiyə arasında olan müqaviləyə əsasən atom bombalarının ikinci düyməsi Türkiyənin əlindədir və ölkə təcavüzə məruz qalarsa bu silahdan istifadə bilər.
Hələlik Türkiyə hakimiyyətindən bu məsələ ilə bağlı rəsmi açıqlama gəlməyib.
