Putin Türkiyə ilə münasibətlərin düzəlməsində rolu olan o şəxsə xüsusi təşəkkür etdi

Ölkə.Az Türkiyə mediasına istinadən xəbər verir ki, RF prezidenti Vladimir Putin Qazaxıstan prezidenti Nursultan Nazrabayevə Türkiyə ilə münasibətlərin normallaşmasında göstərdiyi səylərə görə təşəkkür edib.

"Bizim üçün dost olan Türkiyə ilə bütün sahələr üzrə münasibətlərin yenidən qurulmasına cəhd göstəririk. Prezident Ərdoğanın Rusiyaya etdiyi son səfər münasibətlərin sadəcə bərpasına deyil, həmçinin daha da genişləndirilməsnə hər iki tərəfin maraqlı olduğunu nümayiş etdirmiş oldu",- deyə Putin Soçidə Nazarbayevlə birgə mətbuat konfransında bildirib.

O, bu münasibətlərin normallaşmasında Nazarbayevin xüsusi rol oynadığını da qeyd edib. Nursultan Nazarbayev öz növbəsində Ankara və Moskvanın münasibətlərinin normallaşmasından məmnuniyyət duyduğunu ifadə edib.

İlhamə
Ölkə.Az