Rio-2016: Rəsul Çunayev 1/4 finalda
Azərbaycanı 2016-cı il Rio-de-Janeyro Yay Olimpiya Oyunlarında təmsil edən yunan-Roma güləşçisi Rəsul Çunayev növbəti görüşünə çıxıb.
"Report"un məlumatına görə, 66 kq çəki dərəcəsində yer alan 25 yaşlı idmançının 1/8 finaldakı rəqibi rusiyalı olimpiya çempionu İslambek Albiyev olub.
Təmsilçimiz görüşün gedişində 0:2 hesabı ilə məğlub durumda olmasına baxmayaraq, 3:2 hesablı əzmkar qələbə qazanıb və bununla da 1/4 finala yüksəlib.
R.Çunayevin növbəti mərhələdə rəqibi Əlcəzair idmançısı Tarek Əziz Benaissa olacaq.
