Eldar Mahmudovun şair dostu və onun məmur şəriki haqda

İlhamın qardaşı İslam Ölkə.Az-ın redaksiyasına məktub göndərib. Həmin məktubu təqdim edirik.

Haqqında söhbət etdiyimiz sahibkar,iş adamı İlham Səfəralı oğlu Qasımov hələdə üzdən iraq məmurun xüsusi tapşırqı ilə həbsdədir. İlham Səfəralı oğlu Qasımov bu günə qədər etdikləri xeyriyyəçiliyin, öz üzərinə düşən bütün xeyirxaqlığının cavabını həbslə, yəni xüsusi məmur zorakılığı nəticəsində öz uğurlarının cavabını kürdəxanı təcridxanasında ödəyir. Bunların da başlıca səbəbləri var.

1993-1994-cü illərdə ulu öndərimiz Heydər Əliyevin dövlət quruculuğuna mane olan, “OMON” adlı bir qurumun maliyələşdiricisi, həmin qurumun arxasında duraraq dövlətçiliyimizin inkişafına əks gedən və həmin anlarda Rusiyaya qaçıb, adını və soyadını dəyişərək Azərbaycanlılığını itirən (Albert Mixailoviç Urov ) Gülağa Qəmbərovdur. Gülağa Qəmbərov özünü şair qəlbli bir insan sayaraq özünə “Gülağa Tənha “ təxəllüsü götürüb. Gülağa Qəmbərov sabiq “MTN”-nin naziri Eldar Mahmudovun dəstəyi ilə təkrar Azərbaycana dönür. Eldar Mahmudov onu dırnaq arası “iş adamı” kimi təqdim edir. Çünki, Gülağa Tənha Azərbaycanda yarımçıq qoyduğu pislikləri davam etdirməyə gəlmişdi. Və həmin əməllərini də icra etməyə başladı. Bəzi iş adamlarının, o cümlədən də İlham Səfəralı oğlu Qasımovun karyerasına da əl uzatdı. Gülağa Tənha bu qara niyyətini öz şeirlərinin birində açıq şəkildə vurğulayıb. “Sənə qayıtmışam vətən” adlı şerində bu özünü daha qabarıq şəkildə göstərir. Gülağa Tənhanın Azərbaycana gəlişi qurub yaratmaq yox , kimlərinsə qanı-canı bahasına, əkib becərdiyi bağ-bağata xarabalıq quşu olan “Bayquş”kimi qonaraq öz mənfi hisslərini həyata keçirir.

Kim gəzişir ,kim çəkir
Kim şumlayır, kim əkir
Kim haradan hara çəkir
Sənə əyandı, vətən

Bəli, Gülağa Tənhanın Azərbaycana qayıdışı, əslində kiminsə əkib şumladığı, becərdiyinə sahib çıxmaq üçün idi. O, özünün qara əməllərini həyata keçirmək məqsədilə ilə öz hücumuna başlayıb. Budur yeni məşqçi -Azərbaycan Respublikası Baş Prokurorluğunda Təşkilati Analtik idarəsinin rəisi general Müqəddəs Sultanovdur. Əgər xalq deyimlərinə nəzər salsaq “Arxalı köpək qurd basar” deyiblər, nəticə göz qabağındadır. General Müqəddəs Sultanov Gülağa Qəmbərovla birləşib ortaqlıq yaradaraq İlham Səfəralı oğlu Qasımovdan külli miqdarda pul alacaqları üçün iş qurublar. Bu da aydın məsələdir, əgər cinayət işidirsə Azərbaycan Respublikası CPM-nin 215.3.1-ci maddəsinə əsasən Azərbaycan Respublikası CPM-nin 178-ci maddəsində nəzərdə tutulmuş cinayətlərə dair işlər üzrə ibtidai istintaqın aparılması prokurorluq orqanına aid deyildir.1 faktda budur ki, sahibkar iş adamı İlham Səfəralı oğlu Qasımovun həbsi tələb və tapşırıqdan ibarətdir. Çünki, general Müqəddəs Sultanova öz nəzarətində olan güc strukturu ilə istintaq aparmaq asanddır. General Müqəddəs Sultanov öz vəzifə səlahiyyətlərindən sui istifadə edir. Sahibkar iş adamı İlham Səfəralı oğlu Qasımovun haqqında verilən şikayətlərin də lazımi yerinə çatmasına mane olurlar. Amma General Müqəddəs Sultanov öz doğma qardaşının cinayətinə göz yumub öz işinə davam edir. Belə ki, Müqəddəs Sultanovun qardaşı Azərbaycanda “demokratiya əvəzinə diktaturadır” deyərək Almaniyaya qaçqın kimi üz tutmuşdur. Əgər Azərbaycanda demokratiya yoxdursa, nə üçün dövlət məmuru, general , Azərbaycan Respublikası Baş Prokurorluğunda mühüm vəzifə sahibi olan Müqəddəs Sultanov hal-hazırda işləyir və qara əməllərinən əl çəkmir. Ancaq dövlətini sevən, dovləti üçün hər zaman çalışan İlham Səfəralı oğlu Qasımov indi o xain, dövlətimizi bəyənməyib, hakimiyyətdə öz yerini tutan insanların pis əməllərinin nəticəsində həbsdədir.

Sahibkar iş adamı İlham Səfəralı oglu Qasımov 2014-cü ildə “MTK Real” MTK-da olan payının 45% Gülaga Qənbərova, yəni onun arvadı Şəhla Əlyaga qızı Rüstəmovaya, 10%-ni isə General Müqəddəs Sultanovun arvadı Təranə Novruz qızı Əliyevaya notarial qaydada satmışdır. Eyni zamanda dövlət məmuru General Müqəddəs Sultanov baldızı, yəni arvadının bacısı Nəzakət Novruz qızı Əliyeva “Odlar yurdu”MTK-da paycıdır. Bu günə qədər iş adamı İ.S.Qasımovun ”MTK Real”MTK ilə hec bir əlaqəsi yoxdur. Məgər General Müqəddəs Sultanov və onun ailə üzvləri Demokratiyanin nə oldugunu görmürlər?! Yenə də Gülağa Qəmbərov və məşqçisi General M.Sultanov ortaqların əməllərini qərəzli olduğunu sübut edir.

Hal-hazırda həbsdə olan iş adamı İlham Səfəralı oğlu Qasımovun qanunsuz həbsi barədə dövlət orqanlarına dəfələrlə müraciət etmişik. Hətta Respublika Baş Prokurorluğuna da müraciət etsək də, hələ də heç bir nəticə yoxdur. General M.Sultanov orada da öz əks əlini bu işlərə uzadıb. Yıxmaq,kəsmək asandır, ancaq dövlətimizin ali rütbəsini çiynində daşıyaraq fərdi sifarişlərə qulluq etmək nə dərəcədə düzgündür? Hər iki ortaq və həm fikirlər İ.S.Qasımovdan və onun ailə üzvlərindən “REKERT”-lik edərək külli miqdarda pul tələb edirlər. General Müqəddəs Sultanovun ortağı Gülaga Qənbərov yeni qaydada iş birliyi qurublar.

Sonda bildirmək istəyirik ki, biz dövlətimizə və Prezidentimizə güvənirik. Qoy bütün insanlar bizim səsimizi eşitsin ki, dövlətin adından istifadə edən dövlət xainlərinin səyi nəticəsində, xeyirxah bir azərbaycan vətəndaşı qanunsuz olaraq həbsxanadadır.Inanırıq ki, Cənab Prezidentimiz bizim müraciətlərimizi eşidəcək və bizə kömək olacaq.

Ölkə.Az