Sankt-Peterburqda antiterror əməliyyatı keçirilir

Ölkə.Az Rusiya KİV-lərinə istinadən xəbər verir ki, Sank-Petereburqda yaşayış evlərindən birində qanunsuz silahlı qruplaşmaların üzvü olan şəxslərin tutulması üzrə xüsusi əməliyyat keçirilir.

Terrorçuların Şimali Qafqaz regionundan olduğu bildirilir.

Bu barədə Peterburq və Leninqrad vilayətləri üzrə Federal Təhlükəsizlik Xidmətinin mətbuat katibi məlumat verib. Hadisə şahidlərinin sözlərinə görə, yerli vaxtla saat 11:20-də Lenin prospektindəki evdən dalbaldal iki partlayış səsi gəlib. Ev xüsusi təyinatlı polis bölməsi tərəfindən mühasirəyə alınıb. 16 mərtəbəli binanın 6-cı qapısından giriş-çıxışlar qadağan edilib.

Polislər hadisə yerinə 20 maşınla gəlib. Əməliyyat davam edir.

İlhamə
Ölkə.Az