\"Azərbaycanda heç bir Fəthullah Gülən tərəfdarı...\"

Türkiyədə 15 iyul hakimiyyət çevrilişinə cəhddən sonra Azərbaycanda da Fəthullah Gülən təşkilatının təhlükə törətməsini önləmək üçün Baş Prokurorluq cinayət işi qaldırdı.

Söz-söhbət gəzir ki, parlamentdə və digər dövlət strukturlarında Fəthullah Gülən təşkilatının üzvləri var.

Politoloq Zərdüşt Əlizadə Azərbaycandakı fəthullahçılarla bağlı Ölkə.Az-a danışıb:

"100% əminəm ki, Azərbaycanda heç bir Fəthullah Gülən tərəfdarı yoxdur. Azərbaycanda məslək, əqidə, dünya görüşünə görə yaşayan adamlar çox azdır.

Azərbaycanda vəzifə, rüşvət, imtiyaz, dolanışıq üçün hansısa yolu tutan adamlar var. Hazırda Azərbaycanda vəziyyət bu tip insanlar üçün əlverişlidir. Ona görə də, bu vəziyyətin dəyişməsini istəməzlər. Azərbaycanda heç bir Gülən tərəfdarı yoxdur. Sadəcə yaxşı yaşamaq üçün istifadə edənlər var".

Səxavət Məmməd
Ölkə.Az