Oğlu öldü dedilər, ata silaha əl atdı və..

Texasda baş vermiş maraqlı bir hadisə "ümid ən son ölür" ifadəsinin gerçək olduğunu bir daha təsdiq edib.

Ölkə.Az Rusiya KİV-lərinə istinadən xəbər verir ki, Texasda yaşayan 54 yaşlı Corc Pukerinqə xəstəxanadan zəng vuraraq bildirilib ki, onun oğlunu komadan ayıltmaq mümkün deyil. Həkimlər oğlanın süni nəfəs aparatından ayrılmasına qərar vermişdilər.

Corcun oğlu bir neçə dəfə insult keçirdiyi üçün uzun müddət koma vəziyyətində idi. Ata 27 yaşlı oğlunun ölüm xəbəri ilə barışa bilməyib və tüfəngini alaraq özünü xəstəxanaya çatdırıb. O, 4 saat ərzində həkimləri hədələyərək oğlunun yanına buraxmaq istəməyib, övladının yaşadığına, sağ olduğuna inandırmağa çalışıb. Bu 4 saat ərzində o, oğlunun əlini tutaraq "məni eşidirsənsə əlimi sıx" deyə təkid edib.

Həkimlər vəziyyətə müdaxilə etmək üçün polis çağırmalı olublar. Polis atanı tutub aparmaq istəyərkən isə möcüzə baş verib. Komada olan oğul atasının əllərini sıxıb. İndi Corc silahlı təhdidə görə cəza çəksə də, özünü xoşbəxt hiss edir. Çünki onun oğlu xəstəxanadan çıxıb və sağ salamatdır.

İlhamə
Ölkə.Az