ABŞ dörd əsirə görə İrana $400 milyon ödəyib

ABŞ İrana amerikalı əsirlərin azad edilməsi üçün 400 milyon dollar ödəyib

Ölkə.Az Rusiya KİV-lərinə istinadən xəbər verir ki, ABŞ Administrasiyası yanvarın 17-də Tehrana İran həbsxanalarında saxlanılan 4 amerikalının azad edilməsi üçün 400 milyon dollar ödədiyini ilk dəfə etiraf edib.

"İndi bütün ictimaiyyətə məlumdur ki, biz əldə edilmiş razılaşma əsasında İrana 400 milyon dollar ödəmişik", deyə ABŞ Dövlət Departamentinin rəsmi nümayəndəsi Con Kirbi bildirib.

"Wall Street Journal" daha öncə xəbər vermişdi ki, Amerika Prezident Administrasiyasının nümayəndələri İranın rəsmi şəxslərinə əldə etdikləri pulu amerikalıların əyləşdiyi təyyarə Tehrandan havaya qalxana qədər aparmağa icazə verməmişdilər.

"İran pul müqabilində ameriaklıların azad edilməsinə uzun müddət razılıq vermirdi. Buna görə Amerika ehtiyat edirdi", deyə qəzet yazır.

İlhamə
Ölkə.Az