Rusiyada azərbaycanlılar nə üçün aclıq aksiyası keçirdi?

Ölkə.Az "İnterfaks" agentliyinə istinadən xəbər verir ki, Rusiyanın Primorsk vilayətinin Artyom şəhərində müvəqqəti saxlanma mərkəzində saxlanılan bir qrup azərbaycanlı aclıq aksiyası keçirib.

4 gün davam edən aksiya İctimai Nəzarət Komissiyası əməkdaşlarının gəlişi ilə başa çatıb.

Təcridxanda saxlanılan 100-dən çox xarici ölkə vətəndaşından 20 nəfər aclıq aksiyasına qoşulub. Onlar uzun müddət deportasiya olunmalarını gözlədiklərini və saxlanma şəratindən narazı qaldıqlarını bildiriblər. 65 nəfər üçün nəzərdə tutulmuş mərkəzdə 107 nəfərin saxlanıldığı vurğulanıb. Burda saxlanılanlar əsasən, Öbəkistan, Azərbaycan, Tacikistan, Qırğızıstan, Qazaxıstan və Koreya vətəndaşlarıdır.

Vəziyyətin komissiya tərəfindən nəzarətdə saxlanılacağını qeyd edən sədr Vladimir Naydin deportasiya ilə bağlı problemin vəsait çatışmazlığı səbəbi ilə yarandığını söyləyib.

İlhamə
Ölkə.Az