Türkiyə parlamenti İsraillə razılıq müqaviləsini qəbul etdi
Türkiyə ilə İsrail arasında əlaqələri qırılma həddinə çatdıran "Mavi Mərmərə" qalmaqalı öz həllini tapır.
Ölkə.Az xəbər verir ki, 2010-cu ildə Fələstinin Qəza bölməsinə humanitar yardım aparan "Mavi Mərmərə" adlı türk gəmisi İsrail əsgərlərinin hücumuna məruz qalmış və gəmidə 9 türk vətəndaşı həlak olmuşdu.
İsrail hökuməti ölənlərin ailələrinə ümumilikdə 20 milyon dollar kompensasiya ödəyəcək.
Məbləği ödəmək üçün İsrail tərəfi Türkiyədən 25 gün möhlət istəyib.
