"Bu hal bir də təkrar olsa..."
Suriya ordusunun ölkənin Haseke şəhərini bombardıman etməsi bölgədə vəziyyəti daha da gərginləşdirib.
Ölkə.Az xəbər verir ki, Hasekedə yerləşən PYD mövqelərinin Suriya aviasiyası tərəfindən bombalanması ABŞ-ın ciddi narahatlığına səbəb olub.
Suriya qırıcılarının qarşısını kəsmək üçün ABŞ-ın havaya qaldırdığı F-22 hərbi təyyarələri havada Əsəd ordusunun təyyarələri ilə qarşılaşıblar. Təhlıükəli qarşılaşma manevrlərlə davam edib və Suriya təyyarələri bazalarına geri dönüblər.
ABŞ komandanlığından isə Əsədə ciddi xəbərdarlıq gəlib. Xəbərdarlıqda bombardımanların davam edəcəyi təqdirdə bunun sonunun çox pis olacağı bildirilir və Dəməşqə bu addımdan çəkinməsi məsləhət görülür.
Xatırladırıq ki, PKK-nın Suriya qolu olan PYD Türkiyə tərəfindən "qara siyahıya" salınıb və bu terror qruplaşmasının ABŞ tərəfindən dəstəklənməsi Ankaranı ciddi surətdə narahat edir.
