Prosineçkini meydançaya buraxmadılar

Azərbaycan Premyer Liqasının III turunda "Qarabağ” "Neftçi”ni qəbul edir.

Ölkə.Az xəbər verir ki, "Əlincə Arena”da baş tutan qarşılaşmanı millimizin baş məşqçisi Robert Prosineçki də izləyəcək. 

O, matçın başlamasına yarım saat qalmış oyunun keçiriləcəyi stadiona gəlib. Ancaq xorvatiyalı mütəxəssis arenada kiçik problemlə üzləşib. Belə ki, Prosineçki "CBC Sport”un yayımına qatılmaq üçün meydançaya enmək istəyib.

Lakin polis əməkdaşları Prosineçkinin meydana tribunanın yaxınlığındakı pilləkəndən düşməsinə icazə verməyib. Ondan vəsiqə tələb olunub. Vəsiqəsi olmayan çalışdırıcı isə məcbur qalaraq meydançaya digər girişdən keçməli olub. (qafqazinfo)