Rusiya 30 min ermənini qara siyahıya saldı

Təkcə 2014-cü ilin 9 ayı ərzində Rusiya 30 min erməninin ölkəyə gəlməsinə qadağa qoyub.

Ermənistanın miqrasiya xidmətinin rəhbəri Qagik Yeqanyan Parisdə nəşr olunan “Ermənistan xəbərləri” jurnalına müsahibəsində faktı etiraf edib. Onun sözlərinə görə, Rusiyaya gedən ermənilərin əksəriyyəti ölkənin miqrasiya qaydalarını pozur və qruplar yaradaraq cinayətkarlıqla məşğul olurlar. Buna görə də hər il on minlərlə erməninin adı qara siyahıya daxil edilir və onların Rusiyaya gəlişinə qadağa qoyulur. 

Q.Yeqanyan hətta Ermənistanın Avroasiya İqtisadi İttifaqına daxil olmasına baxmayaraq, Rusiya tərəfdən ermənilərə qarşı hər hansı güzəşt edilmədiyini bəyan edib.

Ermənistan miqrasiya xidmətinin məlumatına görə, 2013-cü ildə 500 mindən artıq erməninin Rusiyada yaşadığı qeydə alınıb və son 20 ildə yüz minlərlə erməni Rusiya vətəndaşlığını qəbul edib. Əlbəttə, bu rəqəm leqal yaşayan erməniləri əhatə edib. Amma qeyri-leqal yaşayan ermənilərin sayı bundan qat-qat artıqdır.

Son iki ayda 2 min erməni Rusiyaya getmək barədə bu ölkənin Yerevandakı səfirliyinə müraciət etsə də, onlardan yalnız 200 nəfəri qara sıyahıdan çıxarılıb. (AzərTAc)

Ölkə.Az