ABŞ generalı Rusiyaya xəbərdarlıq etdi
ABŞ-ın Suriyadakı qüvvələrinin yeni komandanı general Stiven Taunsend Dəməşq və Moskvaya xəbərdarlıq edib.
Ölkə.Az xəbər verir ki, yeni amerikalı komandan Suriyanın şimalındakı xüsusi təyinatlılarını qorumaq üçün əlindən gələni edəcək.
"Biz qüvvələrimizin harada olması ilə bağlı Rusiya hərbçilərini xəbərdar etdik. Onlar bizə Suriya tərəfini bu məsələ ilə bağlı məlumatlandırdıqlarını bildirdilər. Qeyd etmək istəyirəm ki, biz təhlükə hiss etdiyimiz təqdirdə özümüzü qoruyacağıq", - deyə ABŞ-ın Suriyadakı qüvvələrinin yeni komandanı sərt xəbərdarlıq edib.
