Braziliya prezidenti vəzifəsindən kənarlaşdırıldı

O, istefa verməyəcəyini bəyan etdi.

Ölkə.Az Rusiya KİV-lərinə istinadən xəbər verir ki, Braziliya prezidenti, adı korrupsiya qalmaqallarında hallandırılan Dilma Rousseff 180 gün müddətinə vəzifəsindən uzaqlaşdırılıb.

Vitse-prezident Mişel Temer yeni hökumət qurub.

Bununla belə Dilma Rousseff könüllü şəkildə istefa verməyəcəyini bəyan edib.

Prezident özünə qarşı yönəldilmiş impiçment prosesini dövlət çevrilişi kimi qiymətləndirib. O, hazırda prezident vəzifəsini icra edən Mişel Temerin dövlətə və seçicilərə xəyanət etdiyini söyləyib.

Qeyd edək ki, Braziliya senatı prezidentin impiçment məsələsinə avqustun 25-də baxacaq.

İlhamə
Ölkə.Az