Krım Ukraynanı məhkəməyə verir

Ölkə.Az Rusiya KİV-lərinə istinadən xəbər verir ki, Kiyevin Krım yarımadası ətrafındakı suveren sulara qarşı məhkəmə iddiasına cavab olaraq Krım da Ukraynanı 20 illik qarətə görə məhkəməyə verəcək.

Bu fikri Krımın baş nazirinin müavini Ruslan Balbek səsləndirib.

"Krım son 20 ildə yarımadada Ukraynanın vurduğu ziyanı tələb etmək hüququna malikdir. Ukrayna hakimiyyətinin Rusiyanı məhkəməyə vermək iddiaları populist çıxışlardan başqa bir şey deyil. Versinlər.

Bəlkə də dünyada Rusiya Federasiyasına Ukraynanın tələblərinə əməl etmək öhdəliyi qoyacaq məhkəmə tapıla bilər. Lakin Ukrayna tərəfi Rusiyanın bu tələbləri yerinə yetirməsini yuxusunda və ya xəyallarında görə bilərlər",- deyə o bildirib.

İlhamə
Ölkə.Az