Özbəkistan-Qırğızıstan müharibəsi başlaya bilər
Özbək-qırğız sərhədində gərginlik artıb.
Özbəkistanla Qırğızıstan arasında mübahisəli sərhəd zonasında Unqar-Tau rayonunda özbək və qırğız sərhədçilər arasında qarşıdurma yaranıb.
Ölkə.Az xəbər verir ki, Qırğızıstanın Cəlilabad vilayətinə bağlı olan bu rayon iki ölkə arasında müahisəli zona sayılır və bir neçə dəfə bu əraziyə görə az qala bölgədə silahlı konflikt təhlükəsi yaranıb.
Qırğızıstan tərəfinin verdiyi məlumata görə, bu gün mübahisəli sayılan və neytral zonada qalan bu əraziyə Özbəkistana məxsus helikopter gəlib. Helikopterdəki silahlı polislər əraziyə endiriliblər.
Xatırladırıq ki, bu mübahisəli ərazidə Orta-Toki su ambarı yerləşir. Ambarın ətrafında qırğız polisinin postları var. Özbəkistan bu postların götürülməsini tələb edir. Sovet dövründən Qırğızıstanın balansında olan su ambarında Özbəkistan istifadə edir və buranı öz ərazisi kimi qəbul edir. Tərəflər son dəfə Oş hadisələri zamanı qanlı müharibənin astanasına çatmışdılar.
Məlumata görə, hər iki tərəf bu əraziyə iddialıdır və heç kəs geri çəkilmək istəmir.
