\"Siz öz sonunuzu düşünün\"

Ölkə.Az "Milliyet" qəzetinə istinadən xəbər verir ki, bu gün Türkiyə Silahlı Qüvvələrinin Suriya ərazisinə quru qoşunlar ilə daxil olması Suriyada fəaliyyət göstərən PYD lideri Saleh Müslümü bərk narahat edib.

O, özünün Twitter səhifəsində "Türklər də İŞİD kimi Suriya bataqlığında məhv olacaqlar",- deyə yazıb.

Bu həyasız mesaja cavab ən yüksək səviyyədə verildi. Türkiyə prezidenti Rəcəb Tayyib Ərdoğan Saleh Müslümə belə cavab verib:

"Bəziləri bizə meydan oxuyurlar, Türkiyə elə olacaq, belə olacaq deyirlər. Onlara burdan üz tutub deyirəm. Siz özünüzün necə olacağınızı düşünün. Türkiyəni təhdid edən hər kəs bilməlidir ki, bu millət ordusuyla, polisiylə, qorucularıyla vardır və var olacaq. Bu ölkənin arxasında öz vətəndaşlarımızla birlikdə dünyanın hər yerində yüz milyonlarla qardaşımızın duaları dayanır. Allahın istəyi ilə önümüzə çıxacaq bütün maneələrin və əngəllərin öhdəsindən gələcəyimizə inanıram", - deyə dövlət başçısı vurğulayıb.

İlhamə
Ölkə.Az