Co Bayden Gülənin ekstradisiyasından danışdı

Ölkə.Az Türkiyə mediasına istinadən xəbər verir ki, Ankarada rəsmi səfərdə olan ABŞ-ın vitse-prezidenti Cozef Bayden ilk rəsmi görüşünü Türkiyə Böyük Millət Məclisinin(TBMM) spikeri İsmayıl Qəhrəman ilə keçirib.

Hava limanından sonra bir başa TBMM-ə gələn vitse-prezident təhlükəsizlik məqsədi ilə əvvəlcə 5 dəqiqə xidməti avtomobilində gözləyib. Daha sonra o, TBMM binasına daxil olub. Bayden TBMM-də 15 iyul gecəsi bombalanan və güllə yağışına tutulan giriş salonu ilə tanış olub.

İki siyasətçinin görüşü zamanı Fətullah Gülənin Türkiyəyə qaytarılması məsələsi də müzakirə edilib. Cozef Bayden bu məsələylə əlaqədar sualları belə cavablandırıb: "Kaş ki, Fətullah Gülən başqa bir ölkədə olaydı. Bizim əlimizə Gülən haqqında bir sübut çatmayıb. Gülənin qaytarılması ilə bağlı məsələyə Federal Məhkəmə baxacaq",- deyə Cozef Bayden vurğulayıb.

İlhamə
Ölkə.Az