İtaliyada zəlzələ qurbanlarının sayı artır

Ölkədə zəlzələ nəticəsində ən az 37 nəfər ölüb, 150 nəfər isə itkin düşüb

Ölkə.Az "BBC"yə istinadən xəbər verir ki, bu gecə İtaliyanın mərkəzində baş vermiş zəlzələ qurbanlarının sayı artmaqdadır.

Verilən məlumatlara görə, ən az 37 nəfər ölüb, 150-dən çox insan itkin düşmüş hesab edilir. Təkanlar Roma, Peskara del-Tronto şəhərlərində, Norça, Akkumola komunalarında daha çox hiss olunub. Ən çox ziyan Amatriçe şəhərinə dəyib.

Şəhər meri Sercio Pirozzini jurnalistlərə şəhərin yarısının dağıldığını bildirib. Şəhərin yolları torpaq sürüşməsi nəticəsində bağlanıb. Uçqun altında çoxlu sayda insan qalıb.

Qeyd edək ki, təkanlar yerli vaxtla 03.36-da qeydə alınıb. Zəlzələnin episentri Romadan 116 km şimal-şərqdə, 10 km dərinlikdə yerləşib.

İlhamə
Ölkə.Az