Fransız polisi hər kəsin gözü qarşısında müsəlman qadını soyundurdu

Ölkə.Az Rusiya KİV-lərinə istinadən xəbər verir ki, Fransanın Nitsa şəhərinin polisləri çimərlikdə burkini ilə oturmuş qadını soyunmağa məcbur ediblər.

Bu barədə "Daily Mail" məlumat yayıb.

4 polis əməkdaşı qapalı çimərlik geyimində olan qadından ya 38 avro məbləğində cərimə ödəməyi ya da soyunmağı tələb ediblər. Kann, Nitsa, Vilnev-Lube və digər sahil şəhərlərində burkini haqqında qanun qüvvəyə mindikdən sonra buna bənzər insidentlərin sayı artmaqdadır.

Məsələn "France 4Tv" telekanalının müxbiri Kann çimərliyində polislərin insanlar arasında günəşlənən qadından cərimə tələb etdiklərinin şahidi olub. Onlar qadına bildiriblər ki, o, bunu da etmirsə burkinini soyunmalı və ya çimərliyi tərk etməlidir. Müsəlman qadın polislərin bu hərəkətinin onun uşaqlarını qorxutmasından şikayət edib.

Fransada çimərliklərdə müsəlman qadınlara qapalı çimərlik geyimində görünməyi qadağan edən qanun 2016-cı il avqustun 12-də qüvvəyə minib. Kann şəhərinin meri David Lesner burkininin çimərlikdə müxtəlif dini icmalara məxsus insanlar arasında münaqişə yarada biləcəyini və bunun Nitsa qətliamını xatırlatdığını bildirmişdi. Fransanın baş nazirinin müavini Manuel Vilas da burkini qadağasını dəstəkləyən siyasi xadimlərdəndir.

İlhamə
Ölkə.Az