Lənkəranskiyə yaxınlığı ilə bilinən azərbaycanlı killer həbs edildi
Türkiyədə "kriminal avtoritet" Rövşən Caniyevin ölüm işi ilə əlaqədar dindirilən üç azərbaycanlıdan biri həbs edilib.
Ölkə.Az türk mediasına istinadən xəbər verir ki, ifadəsi alınmaq üçün bu gün İstanbul polisinə Rövşən Caniyevin ölümündən əvvəl hoteldə görüşdüyü azərbaycanlı biznesmen Tahir C. gətirilib.
Daha sonra hotelin müşahidə kamerasının qeydləri əsasında Rövşənin yaxın adamları olan Hacıbaba T. və adı açıqlanmayan daha iki nəfər polisə gətirilib.
Araşdırmalardan məlum olub ki, Hacıbaba 2013-cü ildə İstanbulun Bahçeşehir rayonunda öldürülən azərbaycanlı biznesmen Əli Həmidovun qətlinin iştirakçısı olub. Şahid kimi gətirildiyi polis idarəsində Rövşən Lənkaranskinin yaxın adamı Hacıbaba artıq şübhəli kimi həbs edilib. Polis Əli Həmidovun ölümünün sifarişçisinin Rövşən Lənkəranski olduğunu güman edir. Bundan başqa Rusiya hüquq-mühafizə orqanlarından Türkiyəyə göndərilmiş dosyelərdə Caniyevin Rusiya ərazisində daha 5 cinayətə adının qarışdığı bildirilir.
Araşdırmalar davam edir.
