İran Ermənistan, Gürcüstan və Türkiyə ilə viza rejimini ləğv edir

Ölkə.Az Rusiya KİV-lərinə istinadən xəbər verir ki, İran Ermənistan, Gürcüstan və Türkiyə ilə viza rejiminin ləğvinə dair razılığa gəlib.

Bu barədə İran XİN-in nümayəndəsi Bəhram Qasimi məlumat verib.

Azərbaycanla da analoji razılaşmaya dair sualı cavablandıran Qasimi qeyd edib ki, vizaların ləğv edilməsi məsələsi hazırda gündəlikdə yoxdur, Azərbaycan İran vətəndaşları üçün viza rejimini asanlaşdırmağı vəd edib.

O həmçinin söyləyib ki, İran XİN turist vizalarının ləğvi üçün bir sıra ölkələr tərəfindən qəbul ediləcək bəzi məqamlara maraq göstərir.

XİN nümayəndəsinin sözlərinə görə İran prezidenti Həsən Ruhani Bakıya səfəri zamanı Azərbaycan prezidenti İlham Əliyevlə görüş zamanı bu məsələni müzakirə edə bilməyib.

O həmçinin qeyd edib ki, Türkiyəyə səfərlərə qoyulan qadağa başa düşüləndir. Onun sözlərinə görə, Türkiyədə siyasi vəziyyətin gərginləşməsi təhlükəsizilik məqsədi ilə belə addımın atılmasını tələb edir. Qəsəmi bildirib ki, nazirlik turizm şirkətlərinə iranlıları Türkiyəyə göndərməməyi tövsiyə edib.

"Partlayış qorxusu ilə ölkədə bütün yolları bağlamaq olmaz. Biz rəsmi şəkildə qadağalar qoyub turizm şirkətlərinin xərclərini artıra bilmərik. İranlılar Türkiyəyə lazımsız səfərlər etməyəcək qədər ağıllıdırlar. Onlar turizm istiqamətərini diqqətlə seçməlidirlər.",- deyə İranın XİN sözçüsü əlavə edib.

İlhamə
Ölkə.Az