Kılıçdaroğluna silahlı hücumu FETÖ öz üzərinə götürdü

Ölkə.Az Türkiyə mətbuatına istindən xəbər verir ki, Cümhuriyyət Xalq Partiyasının (CHP) sədri Kamal Kılıçdaroğluna hücum edilməsinə dair xəbərə FETÖ-çülərdən cavab reaksiyası gəlib.

FETÖ-çü jurnalist Ergün Babahan atdığı "tweet"də Ərdoğanla əməkdaşlıq edən hər kəsin belə hücumlarla üz-üzə qalacağını yazıb.

"Bu hələ başlanğıcdır. Faşizmə dəstək verən hər kəs bunun əvəzini ödəyəcək. Bu, Kılıçdaroğluna da aiddir",- deyə o yazıb.

Xəbər verildiyi kimi, bu gün Kamal Kılıçdaroğlunun avtomobil karvanı Artvində polislə terrorçular arasındakı atışmanın ortasında qalıb.

Vilayətin Ardanuç rayonunun Yanıklı kəndi ərazisində yolda barikada qurulduğunu müəyyən edən polislər təhlükəsizlik məqsədi ilə Kamal Kılıçdaroğlunun avtomobil karvanını dayandırıblar. Partiya liderinin avtomobili polis mühafizəsinə alınıb və daha sonra təhlükəsiz əraziyə aparılıb. Polislə terrorçular arasında atışma baş verib. Atışma nəticəsində xəsarət alan olmayıb.

Kamal Kılıçdaroğlunun köməkçilərindən biri jurnalistlərə bu hücumun məhz CHP liderinə yönəlmiş olmadığını söyləyib.

Lakin bəzi mənbələr Kamal Kılıçdaroğlunun Artvinə gələcəyinin əvvəldən elan edildiyini, naməlum terrorçuların da ona qarşı hücum planı hazırlaya biləcəyi ehtimalını səsləndiriblər.

İlhamə
Ölkə.Az