ABŞ Rusiyanın genişmiqyaslı təlimlərindən narahatdır
ABŞ-ın Gürcüstandakı səfiri Yan Kelli Rusiyanın Şimali Qafqazda keçirdiyi hərbi təlimlərdən narahat olduqlarını bildirib.
Ölkə.Az xəbər verir ki, ABŞ səfiri bu haqda Gürcüstan KİV-lərinə verdiyi açıqlamada bildirib.
"Biz Rusiyanın Şimali Qafqazda keçirdiyi genişmiqyaslı hərbi təlimlərdən narahatıq. Bu təlimlər şəffaf olmalıdır, bu məsələni Rusiya ABŞ-la razılaşdırmalıdır", - deyə ABŞ-ın Gürcüstandakı səfiri bildirib.
Xatırladırıq ki, Rusiya silahlı qüvvələrinin Cənub hərb dairəsinin hissələri 11 min əsgərin iştirakı ilə, raket və artilleriya birləşmələri də daxil olmaqla eyni vaxtda 18 poliqonda təlimlər keçirir. Təlimlər Krımda, Cənubi Osetiyada, Abxaziyada və Ermənistanda da keçirilir.
