Türkiyədə daha bir terror aktı: 9 polis əməkdaşı öldü

Türkiyənin Şırnaq vilayətinin Cizre rayonunda Çevik Polis İdarəsinin binası partladılıb.

Ölkə.Az xəbər verir ki, terror aktı nəticəsində 9 nəfər ölüb, 64 nəfər yaralanıb.

Terrorçular yerli vaxtla səhər saat 6:00-da polis idarəsinə bombalı avtomobillə hücum ediblər. Hadisə yerinə çoxlu sayda ambulans cəlb edilib.

Ölənlərin hamısı polis əməkdaşlarıdır. Partlayışın şiddətindən ətrafdakı binaların şüşələri qırılıb. Göy üzünə yüksələn tüstü dumanı çox uzaq məsafədən müşahidə etmək mümkün olub. İnsidentdən sonra polis binasının yararsız vəziyyətə düşdüyü bildirilir.

Polis və jandarma qüvvələri Şırnak-Cizrə avtomobil yolunu bağlayıb.

İlhamə
Ölkə.Az