Lavrov və Kerri arasında gedən danışıqlar yarımçıq kəsildi

Ölkə.Az "Ria Novosti" agentliyinə istinadən xəbər verir ki, Rusiyanın xarici işlər naziri Sergey Lavrov, ABŞ dövlət katibi Con Kerri və BMT-nin Suriya üzrə xüsusi nümayəndəsi Staffan de Misturanın Suriya böhranının müzakirəsi üzrə görüşü dayandırılıb.

"Fasilə elan edilib, danışıqlar daha sonra bərpa ediləcək",- deyə mənbədən agentliyə bildirilib.

Xəbər verilir ki, Kerri danışıqlar gedən otelin binasını naməlum səbəbdən tərk edib. ABŞ nümayəndə heyətinin üzvlərindən biri Kerrinin qayıdacağını bildirib.

Qeyd edək ki, Suriya böhranı üzrə danışıqlar əvvəlcə Kerri və Lavrov arasında nəzərdə tutulsa da, sonradan müzakirələrə Mistutra da qoşulub. Görüş bağlı qapılar arxasında keçirilib.

Görüşdən öncə amerikalı jurnalistin "Suriyada atəşkəs elan edilməsinə nə mane olur?" sualını Lavrov birmənalı cavablandırmaq istəməyib. O, sadəcə bildirib ki, görüşdən öncə yaranmış atmosferi pozmaq istəmir.

Danışıqlar Suriyada hərbi əməliyyatların ABŞ və Rusiya arasında kordinasiya edilməsi məsələsinə həsr olunub.

İlhamə
Ölkə.Az