Türkiyə yeni qaçqın axınının qarşısını almaq üçün sərhədlərini möhkəmləndirir

Ölkə.Az xəbər verir ki,Türkiyənin baş nazir Binali Yıldırım ölkənin sərhədlərinin İŞİD terrorçularından təmizləndiyini bildirib.

Baş nazir bunu yeni qaçqın axınının qarşısını almaq üçün etdiklərini söyləyib. O həmçinin qeyd edib ki, təmizlənmiş ərazilərdə Suriyadan gələn qaçqınların məskunlaşdırılması nəzərdə tutulur.

Binəli Yıldırım eyni zamanda Avropa İttifaqının Ankaraya qaçqınlar üzrə saziş çərçivəsində vəd etdiyi 3 milyard avronu ödəmədiyini bir daha nəzərə çatdırıb.

O söyləyib ki, Suriya və İraqdakı vəziyyət Avropa İttifaqı çərçivəsində mzakirəyə çıxarılmalıdır.

Xatırladaq ki, Türkiyənin quru qoşunları artıq Cerablus şəhərini İŞİD işğalından azad edib. Əməliyyatların nə qədər davam etdiriləcəyi barədə isə məlumat verilmir.

İlhamə
Ölkə.Az