Rusiya Yaponiyaya Hələb əməliyyatlarına qoşulmağı təklif edib

Ölkə.Az "Ria Novosti" agenliyinə istinadən xəbər verir ki, Rusiya müdafiə nazirinin müavini Anatoli Antonov Yaponiyaya Suriyanın Hələb şəhərində aparılan əməliyyatlara qoşulmağı təklif edib.

Bu barədə RF Müdafiə Nazirliyinin mətbuat xidməti məlumat yayıb.

A.Antonov Yaponiyanın Rusiyadakı səfiri Toyoxişa Kodzuki ilə görüşdə Hələbdə aparılan humanitar əməliyyatlar barədə məlumat verərək, Yaponiyanı, həmkarlarını bu əməliyyatlara qoşulmağa dəvət edib.

Görüşdə həmçinin Asiya-Sakit Okean regionunda və Koreya yarımadasındakı vəziyyətə dair fikir mübadiləsi aparılıb. Rusiya tərəfi yarımadada siyasi diplomatik vəziyyətin nizamlanmasının vacib olduğunu bir daha diqqətə çatdırıb.

İlhamə
Ölkə.Az