Ərdoğan və Putin \"Fərat qalxanı\" əməliyyatını müzakirə etdi

Ölkə.Az Türkiyə KİV-lərinə istinadən xəbər verir ki, Rusiya və Türkiyə prezidentləri Vladimir Putinlə Rəcəb Tayyib Ərdoğan arasında telefon söhbəti olub.

Söhbət zamanı Türkiyə prezidenti rusiyalı həmkarına Cerablusda həyata keçirilən "Fərat qalxanı" əməliyyatı barəsində məlumat verib. Tərəflər bölgədə təhlükəsizliyin təmin edilməsi baxımından İŞİD başda olmaqla bütün terror qruplaşmalarına qarşı kordinasiyalı hərəkət etməyin vacibliyini qeyd ediblər.

Hər iki prezident Çində keçiriləcək "Böyük iyirmiliyin" (G-20) sammiti çərçivəsində ikitərfli görüşün keçirilməsinin tərəfdarı olduqlarını bəyan edib.

Qeyd edək ki, Rusiya və Türkiyə prezidentlərinin sentyabr ayında Çində keçiriləcək G-20 sammitindən öncə daha bir qeyri-rəsmi görüşü nəzərdə tutulub. Avqustun 31-də Vladimir Putin Rəcəb Tayyib Ərdoğanla birlikdə Rusiya-Türkiyə futbol komandalarının yoldaşlıq görüşünə tamaşa etmək üçün Antalyaya səfər edəcək.

İlhamə
Ölkə.Az