Əmanətçilərə kompensasiya ödənişi davam edir
Əmanətlərin Sığortalanması Fondu tərəfindən avqustun 25-də “Parabank” ASC-nin qorunan əmanətçilərinə 20 milyon 699 min manat, “Zaminbank” ASC-nin qorunan əmanətçilərinə 36 milyon 513 min manat ödənilib.
“Kredobank” ASC-nin qorunan əmanətçilərinə isə 9 milyon 946 min manat və “Dekabank” ASC-nin qorunan əmanətçilərinə isə 2 milyon 473 min manatdan artıq kompensasiya ödənilib.
4 bank üzrə ümumilikdə 69 milyon 631 min manatdan artıq kompensasiya ödənilşi həyata keçirilib.
Ölkə.Az-a Fonddan verilən məlumata görə, qeyd olunan tarixdə“Atrabank” ASC-nin qorunan əmanətçilərinə 3 milyon 138 min manat, “Qafqaz İnkişaf Bankı” ASC-nin qorunan əmanətçilərinə 883 min manatdan artıq kompensasiya ödənilib.
2 bank üzrə ümumilikdə 4 milyon manatdan artıq kompensasiya ödənilib.
“Bank of Azerbaijan” ASC-nin qorunan əmanətçilərinə 24 milyon 052 min, “Gəncəbank” ASC-nin qorunan əmanətçilərinə 895 min 554 min manat, “Texnikabank” ASC-nin qorunan əmanətçilərinə isə 119 milyon 504 min manatdan artıq kompensasiya ödənilib.
3 bank üzrə ümumilikdə 144 milyon 451 min manatdan artıq kompensasiya ödənilib.
Ümumilikdə Fond tərəfindən 9 bank üzrə 218 milyon manatdan artıq kompensasiya ödənilib.
