Şaxtaçılar tərəfindən öldürülən nazir müavini milli qəhrəman elan edildi

Şaxtaçılar tərəfindən döyülərək öldürülən Boliviya daxili işlər nazirinin müavini Rudolfo İyyanes milli qəhrəman elan edilib.

Ölkə.Az Rusiya KİV-lərinə istinadən xəbər verir ki, bu barədə ölkə prezidenti Evo Morales məlumat verib.

"Boliviya xalqı və sosial hərəkat təbii sərvətlərdən yenidən istifadə uğrunda mbarizə aparır. Buna görə də mən qardaşım İyyanesi milli qəhrəman elan edirəm",- deyə prezident bildirib.

İyyanesin öldürülməsi ilə bağlı ölkədə 3 günlük matəm elan edilib.

Qeyd edək ki, 56 yaşlı nazir müavini ölkənin paytaxtı La-Pas şəhərindən 160 km. məsafədə yerləşən Panduro şəhərində girov götürülüb. O, avtomobil yollarını bağlamış şaxtaçılarla danışıqlar aparmaq üçün Panduroya getmişdi. Boliviyada şaxtaçıların etiraz aksiyası iki həftədir davam edir. Artıq bir neçə dəfə polislə toqquşmalar olub. Bu toqquşmalarda iki polis öldürülüb, 17 polis yaralanıb. Onlar nazir müavinini döyərək qətlə yetiriblər.

Şaxtaçılar əmək haqqının artırılması, əmək şəraitinin yaxşılaşdırılması kimi tələblər irəli sürərək, ölkə prezidenti Evo Moralesi qeyri-liberal iqtisadi kurs yürütməkdə ittiham edirlər.

İnsidentlə bağlı 100-dən çox şaxtaçı həbs edilib.

İlhamə
Ölkə.Az