Polşa, Almaniya, Fransa "çevik və etibarlı" Aİ haqqında saziş imzaladılar

Ölkə.Az Rusiya mediasına istinadən xəbər verir ki, Veymar üçbucağının yaradılmasının 25 illiyinə həsr olunmuş görüşdə Polşa, Almaniya və Fransanın xarici işlər nazirləri ümumi bəyanat imzalyaıblar.

Bəyanatada deyilir ki, Avropa İttifaqı daha güclü, etibarlı və çevik olmalıdır.

Bu barədə "Polşa radiosu" məlumat verib

"Biz müasir dünyanın çağırışları qarşısında Avropa İttifaqı ölkələrinin bir-biri ilə əlaqəli şəkildə fəaliyyət göstərərək daha əhəmiyyətli uğurlar qazana biləcəyini nümayiş etdirmək istəyirik",- deyə sənəddə bildirilir.

Həmçinin, qeyd edilir ki, Aİ miqrasiya, rəqabət qabiliyyətinin artırılması, iqtisadi artım, məşğulluq və gənclər siyasəti kimi sahələrdə qarşılqılı fəaliyyət göstərməlidir. Maraqlıdır ki, səsləndirilən bəyanatda çeviklik kəlməsi bir neçə dəfə səsləndirilib, bu xüsusən regional əməkdaşlıq və enerji təhlükəsizliyi sahələrinə şamil edilir.

Üç ölkənin XİN başçıları Avropa ölkələrinin liderlərinin geniş formatlı görüşlərini, o cümlədən Vışeqrad qrupu ölkələrinin xarici işlər nazirlərinin iştirakı ilə danışıqlarını aktivləşdirməyə çağırıblar.

İlhamə
Ölkə.Az